Foto de http://www.diadapatria2015.org/
As tais assembleias tencionarám promover o que denominam "bloco independentista" no interior da eventual mobilizaçom unitária de que o Diário Liberdade tem informado nas últimas semanas, umha mobilizaçom unitária que poderia contar com o apoio de BNG, Anova, a militáncia da recém dissolvida Nós-UP e Causa Galiza, entre outras organizaçons e coletivos, tal como já acontece desde fai três anos com as organizaçons juvenis.
A iniciativa de Causa Galiza apresentou-se nesta segunda-feira em Compostela, sob a legenda "Pola rutura democrática. Pola independência nacional". Foi às 12:00 h na livraria Couceiro em Compostela. A conferência foi gravada e será emitida através do site da campanha, http://www.diadapatria2015.org/, e das redes sociais.
Segundo as pessoas que apresentárom a campanha, a mesma "convocará as galegas e galegos a se manifestarem neste 25 de julho pola rutura democrática com o pós franquismo reinante e a independência nacional do nosso país, por entendermos que só rachando definitivamente amarras com Espanha e construindo o nosso Estado, ao serviço da maioria social, é possível superar o empobrecimento crónico, o espólio territorial e a assimilaçom às que estamos historicamente submetidos como povo".
Assembleias comarcais
Causa Galiza quer promover assembleias comarcais para desenvolver a campanha através de cartazes, palestras, murais, pintagens, etc., segundo as condiçons de cada comarca. As datas e locais convocados som:
Barbança
Sábado 4 de julho às 19:00 h no passeio marítimo de Noia
Compostela
Quinta-feira 2 de julho às 20:00 h na biblioteca do centro social A Gentalha do Pichel
Condado
Sábado 4 de julho às 21.00 h. na Praça da Igreja em Ponte Areias
Corunha
Quarta-feira 1 de julho às 18:00 h. no centro social Atenéu Libertário Xosé Tarrio
Límia
Pendente de concreçom
Lourinha
Pendente de concreçom
Lugo
Quarta-feira 8 de julho às 21:00 h. no centro social Mádia Leva
Marinha
Sexta-feira 10 de julho às 20:00 h. no centro social Xebra em Burela
Morraço
Pendente de concreçom
Muros-Noia
Sábado 4 de julho às 19:00 h. no passeio marítimo de Noia
Ourense
Terça-feira 30 de junho às 21:00 h. nos jardins do Padre Feijoó
Ponte Vedra
Quinta-feira 2 de julho às 18:00 h. no local dos sindicatos
Ribeiro
Pendente de concreçom
Trasancos
Quinta-feira 2 de julho às 20:00 h. no Atenéu Ferrolano
Úmia
Pendente de concreçom
Vigo
Quarta-feira 1 de julho às 20:00 h. no centro cívico Zona Velha
