Antes disso, Causa Galiza lançou umha proposta ao BNG e a NÓS-UP, que nom chegou a ser respondida. Entretanto, NÓS-Unidade Popular pujo fim aos seus 14 anos de trabalho político apelando a umha convocatória unitária e suprapartidarista.

Ontem mesmo, o BNG fijo público o acordo adotado dias antes no seu Conselho Nacional, mostrando disponibilidade para mudar a sua convocatória tradicional do 25 de julho, a maior das realizadas ano após ano no País, integrando assim outras forças políticas e sociais na reclamaçom dos direitos nacionais galegos.

Falta ainda concretizar os termos da proposta, que parece ir dirigida principalmente a Anova, mas também a CxG e a numerosos galegos e galegas sem adscriçom partidária.

A resposta positiva do BNG à um 25 de julho unitário foi recebida com satisfaçom polos diversos setores do soberanismo galego, umha vez que podemos estar às portas da primeira experiência de Dia da Pátria unitário em várias décadas. Falta ainda ver que Anova e CxG estám dispostas a participar na convocatória, depois de que NÓS-UP e Causa Galiza manifestassem o seu apoio.

Se bem cada organizaçom terá campanhas próprias, a resposta unitária da mobilizaçom do 25 de julho supom umha importante novidade, que chega três anos depois de que as entidades juvenis e estudantis venham trabalhando em idêntica direçom para a jornada juvenil das vésperas do Dia da Pátria.

Umha boa notícia pendente de concreçom...