Cerca de 800 pessoas respondêrom ao chamado unitário de oito entidades juvenis pola independência galega. Adiante, Agir, AMI, Briga, Comités, Galiza Nova, Isca e Liga Estudantil conseguírom umha boa resposta sob o lema "Mocidade galega erguendo o seu futuro. Independência!".

O protesto saiu às 20:00 da Alameda compostelana e terminou no Toural, logo de percorrer as principais ruas do centro da capital galega, no meio de umha forte presença policial. Nom chegou a haver intervençom dos corpos repressivos espanhóis e o ato final celebrou-se sem incidências, com intervençons de todas as plataformas convocantes, que coincidírom em assinalar a necessidade de tomar medidas concretas para enfrentar o capital e a opressom espanhola.

Enquanto se celebrava o ato final da manifestaçom, os centenares de pessoas concentrados no Toural fôrom supreendidos pola trágica notícia do acidente ferroviário acontecido em Compostela, em que 78 pessoas perdérom a vida.

Vídeos dos atos

Na janela a seguir podes ver os últimos vídeos com que o Diário Liberdade estivo a informar das ruas galegas. Amanhá emitiremos novamente ao vivo desde as 12:00 horas, caso os atos nom forem suspendidos polo acidente de ferrocarril que deixou dúzias de mortos nas redondezas de Compostela:

Live stream by Ustream

Galerias de fotos

Oferecemos a seguir umha galeria de imagens elaborada polo Diário Liberdade na Cadeia Humana pol@s Pres@s Independentistas e na manifestaçom juvenil pola independência.

Cadeia Humana polos Presos Independentistas

Created with Admarket's flickrSLiDR.

Manifestaçom Juvenil pola Independência

Created with Admarket's flickrSLiDR.

_______________________________________________________________________________

[Atualizaçom das 20:00] Conclui cadeia humana solidária e começa manife juvenil pola independência

A cadeia humana converteu-se em concentraçom na praça do matadoiro em solidariedade ativa com os presos independentistas. Na referida praça umha porta-voz de Ceivar diriuge-se às pessoas presentes pedindo a liberdade dos presos e presas galegas independentistas. Após a intervençom umha gravaçom em áudio de Antom Santos da cadeia madrilena de Aranjuez fala para as e os solidários. Neste momento concluiu a cadeia humana, acompanhada por umhas trescentas pessoas que participárom na convocatória deste ano. Começa agora a manifestaçom juvenil pola independência da que continuaremos informando através desta página e da conta https://twitter.com/diarioliberdade .

_________________________________________________________________________________________

[Atualizaçom das 18:30] Começam as mobilizaçons nacionais na Galiza com a cadeia humana anti-repressiva 

Na Praça da Galiza desde as 18:00 celebra-se a cadeia humana anti-repressiva. Vários repórteres do DL informam desde as ruas da capital. Entra para acompanhar. Neste momento há quatro independentistas pendentes da sentença da Audiencia Nacional espanhola, encarregada de processo de tipo político.

Num momento histórico em que o regime espanhol lança umha agressiva ofensiva contra a disidência política, estas mobilizaçons cobram especial importáncia. A estratégia do todo é terrorismo implementada polo Estado espanhol teria numha eventual sentença condenatória contra estas quatro pessoas um apoio fundamental, que lhe permitiria assentar na Galiza o estado de excepçom que reinou e reina hoje no País Basco. O tribunal de excepçom poderia emitir a sentença do juízo-farsa celebrado entre os dias 24 e 27 de junho na véspera do Dia da Pátria, ou no dia nacional, desvelando mais umha vez o seu carácter político.

A mobilizaçom em apoio destas quatro pessoas e de todas as outras presas nas prisons espanholas "celebra-se num clima que a todos os efeitos é de exceçom" explicava Ceivar na sua convocatória. A cita deste ano é no 24 de Julho às 18:00 h. na Praça da Galiza de Compostela, e ceivar fai "um chamamento para apoiar e participar neste ato pola liberdade d@s pres@s independentistas galeg@s a todos os sectores nacionalistas, soberanistas e independentistas e, em geral, a todas as galegas e galegos comprometidos com a defesa dos direitos humanos e a consecuçom de liberdades democráticas plenas para o nosso povo".

________________________________________________________________________________________________

[24/07, 09:00] A partir das 18:00 Diário Liberdade acompanha ao vivo mobilizaçons independentistas na Galiza

No interior desta notícia estamos a emitir ao vivo das ruas da capital galega a luita nacional da Galiza para o mundo lusófono e em tempo real. A emisom começará às 18:00, com a cadeia humana em apoio das e dos independentistas galegos presos nas cadeias espanholas.

Mais um ano, e já vam quatro, o Diário Liberdade está a dedicar um acompanhamento especial ao Dia da Pátria. Desde a tarde deste dia 24 e até a conclusom dos atos programados para dia 25 de julho, Dia da Pátria Galega, estamos a informar desde as ruas e ao vivo de todo o que acontecer em relaçom a este importante dia para a Galiza, para a qual as forças de esquerda nacionais convocárom vários atos.

Nas linhas seguintes veredes um acompanhamento em áudio e vídeo ao vivo das ruas galegas, e também em twitter. Podedes seguir ambos mediante aparelhos móveis com acesso à internet.

Twitter ao vivo!

Informaçom ao vivo das ruas galegas enviada polas nossas e os nossos repórteres a partir das 17:30 deste dia 14 de julho de 2013.

Vídeo e audio ao vivo!

Aciona o vídeo no quadro a seguir para assistires a emissom ao vivo das ruas compostelanas. Se neste momento nom houver nengum evento a decorrer, será reproduzida a última emissom feita. A primeira, será na cadeia humana em apoio dos presos e presas independentistas, a partir das 18:00. Também podes ver-nos nesta ligaçom. Pedimos desculpas pola publicidade de alguns segundos que aparecerá previamente, e que nom é veiculada polo Diário Liberdade, mas sim pola Ustream, companhia responsável pola ferramenta.

Cadeia humana e manifestaçom juvenil no dia 24

Nos atos programados para o primeiro dia destaca a histórica e unitária manifestaçom juvenil pola independência, convocada por oito coletivos (Adiante, Agir, AMI, Briga, Comités, Galiza Nova, Isca e Liga Estudantil Galega), e que partirá às 20:00 da Alameda de Compostela. O Diário Liberdade acompanhará o decorrer dessa manifestaçom e estará muito atento à habitual repressom policial que contra a mocidade costuma acontecer na noite do dia 24. Recomendamos a leitura da entrevista coletiva feita às entidades convocantes e publicada nos últimos dias por este meio.

Previamente, vamos acompanhar ao vivo a Cadeia Humana pol@s Pres@s Independentistas, marcada polo recente julgamento contra o independentismo galego (celebrado na Audiencia Nacional espanhola -em Madrid- com importantes irregularidades, como a expulsom de testemunhas da defesa) em que o regime espanhol tenta demonstrar a existência de umha alegada organizaçom armada na Galiza. A sentença às quatro pessoas julgadas poderá chegar a qualquer momento.

Camaradas do Metal, camisolas, imans e ativismo na banca do Diário Liberdade neste Dia da Pátria

Como outras entidades, o Diário Liberdade terá umha banca na Alameda compostelana na manhá do dia 25, Dia da Pátria Galega, onde mostrará e porá à disposiçom das pessoas interessadas algum do material editado ao longo da sua trajetória. Além das camisolas e os imans que editamos no ano passado com ocasiom do Dia da Pátria, com a sereia desenhada por Castelao, mais um ano destaca o album recopilatório de música rock da Galiza, 'Camaradas do Metal'. Ainda, no ámbito da campanha de recrutamento ativista que o Diário Liberdade desenvolve nestes dias, poderás achegar-te à nossa banca caso tiveres interesse em obter informaçom sobre as formas de participaçom ativa que existem.

Contato

Por favor, informa-nos de qualquer cousa que consideres relevante no email diarioliberdade@gmail.com ou no twitter @diarioliberdade . Construamos coletivamente o nosso direito à informaçom.

ENTRA AQUI E JUNTA-TE A NÓS!