Assim, desde a assembleia comarcal de Ourense da iniciativa Galiza pola Soberania (GPS) anunciam umha “Romaria popular polo Dia da Pátria” que decorrerá no Campo da Feira desde as 14h. Da GPS ourensana animam a participar nesta romaria levando o jantar e a bandeira da Galiza. Esta atividade soma-se à “Arenga pola Pátria” da GPS-Morraço, da que já informamos no Diário Liberdade e que também terá lugar o sábado.
No ámbito juvenil, e continunado com a dinámica unitária prévia à manifestaçom do 24 de julho, começárom a desenvolver-se umha série de mobilizaçons e atos a nível local. Na passada quarta-feira as entidades da Coordenadora Juvenil Galega organizárom um passa-ruas em Compostela e um ato simbólico em Vigo. Já estám anunciadas iniciativas semelhantes nas cidades da Corunha, Ponte Vedra ou Ourense.
Também os centros sociais e as associaçons culturais estám a celebrar a chegada do Dia da Pátria com festas e atividades diversas. Se no fim de semana passado eram as associaçons culturais Almuínha e Revira quem organizavam, com este motivo, umha romaria em Marim ou o CS Mádia Leva! um jantar de irmandade na Pastoriça, agora som os centros sociais vigueses A Revolta, Faísca e Bou Eva quem anunciam umha série de atividades no sábado 19, incluindo atividades para crianças, jogos, música popular, umha manifestaçom e um concerto no CS Revolta.
Foto: ato da Coordenadora Juvenil Galega em Vigo (Facebook)
