Foto e imagem: GPS-Morraço (Facebook)
A atividade, realizada com motivo da celebraçom Dia da Pátria Galega no 25 de julho, decorrerá na Alameda Velha a partir das 21h. Segundo informam da iniciativa soberanista, o ato contará “com pequenas intervençons por parte de mulheres e homens do Morraço”, mas também umha atuaçom musical.
Faixas contra a presença de Felipe de Bourbon na Galiza
A arenga patriótica está a ser divulgada também mediante faixas penduradas em diferentes pontos dos concelhos desta comarca. Mas, para além de anunciar o evento, as e os ativistas da GPS estám a expressar o rejeitamento à visita dos novos reis espanhóis à Galiza com faixas que recolhem a legenda “Nem Bourbon nem Espanha. Galiza Soberana”. Umha visita que está prevista precisamente para o dia 25 de julho em Compostela para participarem na rançosa e nacional-católica “oferenda ao apóstolo Santiago”.
