Foto do CScPPP - Cartaz em solidariedade com Arantza Díaz
O Comité de Solidariedade cos Presos e Presas Políticos (CScPPP) da Corunha fijo públicas duas cartas, umha da presa Maria Osorio e a outra de David Garaboa, dirigidas à histórica comunista Pepita Seoane. Em ambos os casos, celebram a recente libertaçom de Arantza Díaz, que apesar de estar gravemente doente era retida em péssimas condiçons nas cadeias espanholas até que as campanhas solidárias conseguirom impor os seus direitos. Osorio e Garaboa sofrem penas de prisom e a pena adicional da dispersom - classificada polas cortes europeias como tratamento desumano, apesar do qual o Reino de Espanha continua a aplicá-la às presas e presos com militáncia política. A seguir, reproduzimos as cartas publicadas polo CScPPP
Carta de Maria Osorio
Ola Pepita!!!
Que tal todo pola Corunha?
Por aquí turrando co frío ainda que melhor que o ano passado. Recentemente enterei-me da posta en liberdade de Arantza, coa que coincidín brevemente en Ávila no 2012. Alegro-me moito e, se podes, manda-lhe saúdos, ánimos e apertas da minha parte.
Nom tenho muitas novidades, já sabes como vai isto, deporte, estudos, manualidades e boa conversa, quando a hai. Eu e o companheiro ainda estamos esperando a que se faga efectivo e o auto do julgado para ter o vis. Levamos case dous anos sem nos a ver.
Como bem dis, esperemos que o 2016 venha carregado de liberdade e sáude para todos.
Muitos sáudos para a gente do Comité da Corunha e apertas para ti.
Mansilla de las Mulas 3-1-2016
Carta de David Garaboa
Querida Pepita, queridas compañeiras e compañeiros solidarios da Coruña. Arantza e maís eu tiñamos previsto felicitarvos o aninovo xuntos, porén….Arantza Liberdade!!! É unha gran victoria do movemento de Solidariedade. E agora, a pola Amnistía!
Por un 2016 carregado de Sáude e de Resistencia!!!
Moitos bicos e apertas cheos de forza e agarimo para todos nós. Venceremos!!!
