Foto de GZFoto (CC by-sa-nc) - Umha mobilizaçom contra a Ence em Ponte Vedra.
Umha convocatória urgente que começou a circular ontem (26 de janeiro) através das redes sociais chama ao rejeitamento da prorrogaçom da concessom da poluínte Ence na Ria de Ponte Vedra por mais 60 anos. A decisom significa que a grande maioria das e dos galegos hoje vivos continuarám a sofrer as consequências sociais, ambientais e económicas que a planta ponte-vedresa, junto com o outro centro que a transnacional tem na vila eu-naviega de Návia, deixa no país.
Hoje, quarta-feira 27, às 19:00 h os e as ponte-vedresas estám chamadas a umha concentraçom na sede 'provincial' do Partido Popular, na praça da Audiência. É precisamente o governo em funçons que esse partido tem em Madrid o que tem prolongado a concessom, em umha manobra classificada de fraude democrática por organizaçons ecologistas - que mesmo denunciarám um possível caso de prevaricaçom.
É umha convocatória de urgência e que precede a que sexta-feira sairá da Ferraria às 20:30 para manifestar-se contra a prorrogaçom da fábrica poluínte.