Agora, segundo transcende na imprensa de aquele país, a opçom soberanista ainda poderia avançar mais passos.
A razom, a intençom governamental de emprender possíveis acçons contra a Lei de Consultas, aprovada polo parlamento autonómico, e que pretende promover a extensom das votaçons pró-independência em dúzias de municípios. Os políticos hispano-cataláns do PSC, comandados por Joaquim Nadal, manifestárom o seu abatimento pola pressom dos 'irmaos mais velhos' do PSOE madrileno, que estuda recorrer judicialmente a Lei de Consultas. Porém, nesta mesma semana saía à luz que já o 35% das e dos votantes do PSC apostam explicitamente pola independência catalá, contradizendo as teses da direcçom do seu partido. Certos cargos públicos já fixérom declaraçons nesse sentido.
Dando continuidade ao histórico pactismo catalám, Nadal informou de que 'ambos governos trabalham polo acordo', para o que se deu luz verde à constituiçom de duas comissons jurídicas que desvelarám a legalidade da iniciativa. A medida, porém, semelha bater com as competências estabelecidas pola Constituiçom de 1978, que explicitam que é apenas o Estado espanhol quem pode autorizar a convocatória de referendos.