1 1 1 1 1 1 1 1 1 1 (6 Votos)

5anosGaliza - Diário Liberdade - No dia 8 de fevereiro de 2010 foi para o ar pola primeira vez o Diário Liberdade, projeto informativo popular surgido na Galiza com o olhar posto no resto de países de fala galego-luso-brasileira.


Fam-se hoje, portanto, cinco anos de trabalho ininterrupto ao serviço da informaçom comprometida com as luitas numha perspetiva abertamente revolucionária e, no referente à Galiza, comprometida com a causa da sua independência nacional.

Por fazermos um rápido balanço, devemos sublinhar a dupla convicçom que moveu o reduzido grupo inicial que pujo em andamento a iniciativa.

Construir o novo poder contra-hegemónico popular frente ao domínio da burguesia no ámbito informativo-cultural

De umha parte, a necessidade que os povos tenhem de fazer frente ao domínio do capital nom só no aspeto mais puramente político, como também no cultural, entendendo a cultura como amplo sistema através do qual se constrói e impom a hegemonia de classe pola via do "consenso ideológico" que costuma chamar-se "sentido comum". Nessa conceçom, é imprescindível contarmos com ferramentas próprias ao serviço da construçom da contra-hegemonia cultural, sendo a informaçom um dos seus fundamentos, ao serviço do povo e da sua construçom como novo poder com aspiraçom de verdadeiro domínio cultural frente à burguesia.

O anterior é especialmente válido no caso de povos oprimidos como o galego, que aspiram a se afirmarem como naçons em construçom emancipando-se de imperialismos ou subimperialismos como, no nosso caso, o criminoso projeto imperialista espanhol.

Com essa dupla perspetiva, o Diário Liberdade tem sido nestes cinco anos nom só um espaço para a divulgaçom de informaçons que nom aparecem nos meios das respetivas burguesias. Achamos nom exagerar se afirmamos que constituímos um polo de luita pola liberdade de expressom, contra a manipulaçom e a censura dos media corporativos.

Porém, e tam importante como o anterior, o DL tem servido para abrir umha via de comunicaçom entre a Galiza que luita e os outros povos do nosso mesmo espaço lingüístico-cultural, dando a conhecer a existência de um pequeno povo no canto norte-ocidental da Península Ibérica que aspira à plena emancipaçom nacional, social e de género.

Se neste tempo conseguimos que numerosos ativistas dos movimentos sociais brasileiros, portugueses e africanos de expressom portuguesa saibam da nossa existência, como julgamos ter conseguido, entom o imenso trabalho dedicado por muitas pessoas durante todos estes cinco anos valeu a pena. Também é fundamental termos trazido à Galiza informaçons em primeira mao e em primeira pessoa sobre as luitas dos povos com os quais partilhamos língua comum, além do resto de povos em luita em todo o planeta.

Todo isso tem sido feito de maneira militante, com a entrega de ativistas da contrainformaçom popular da Galiza, Brasil e Portugal. De maneira colaborativa e contando com a participaçom de militantes de numerosas organizaçons da esquerda social desses países, o Diário Liberdade traz cada dia informaçons plurais sobre o ativismo de base pola transformaçom social.

Umha aposta na viabilidade económica dos projetos populares

Sem nengum apoio institucional nem qualquer afám lucrativo, o DL consegue manter o projeto graças à colaboraçom económica das pessoas que nos visitam diariamente, mediante micro-doaçons e outros contributos, apoiando as campanhas periódicas de angariaçom de fundos e mesmo só visitando-nos e recomendando-nos a umha amiga ou amigo.

Precisamente hoje começamos umha dessas campanhas de apoio económico, que nos permita realizar melhoramentos técnicos e no trabalho do cada vez mais amplo Coletivo Editorial. Pedimos a quem nos lê que visite este link para conhecer o conteúdo dessa iniciativa de apoio económico que vai prolongar-se durante as próximas semanas.

Aproveitamos a comemoraçom destes cinco anos de ativismo informativo para agradecer o trabalho de todas e todos, assim como para reafirmarmos a firme vontade de continuar a crescer coletivamente e ao serviço das luitas sempre que se mantenha o apoio dos nossos leitores e leituras, que até agora nom tem deixado de crescer em número e qualidade.

A luita continua!


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.