Por parte da Candidatura do Povo, queremos afirmar que coñecemos a Carlos desde hai anos e sabemos do seu compromiso constante con distintas iniciativas mediáticas, culturais e asociativas construidas en favor da veciñanza, así como do seu profundo amor por este vello país. Este coñecemento cercano en absoluto se corresponde co perfil sinistro construido desde sábado polos medios, sen respectar, sequer, a súa “presunción de inocencia” nen o “dereito á honorabilidade” de que é suxeito segundo a lexislación actual.

Queremos manifestar tamén por outra parte a nosa profunda preocupación pola situación en que se encontra, unha vez que o rexime de detención incomunicada ao que está sometido, alén de carecer de xustificación, é público que deu pé sempre a todo tipo de excesos, vulneracións de dereitos e maus tratos. Reivindicamos por tanto o fin da súa detención incomunicada, o retorno imediato para o país e a súa liberdade e expresamos a nosa solidariedade aos seus amigos e amigas e familia, neste momento sometidos a unha situación de extrema dor e inseguranza que xa padeceron outras familias de Compostela.

CARLOS LIBERDADE!
NON Á REPRESIÓN!

Foto: Cabozo - Momento de umha das detençons praticadas pola polícia espanhola este fim de semana.