Cantas vezes tenho mirado de neno para o cèu os días de tronada, esperando chegar os lóstregos e ver onde caíam, para despois ir e atopar esta pedra mágica. E quem diría, que anos despois chegaría a ter nas minhas mans algumha dessas pedras.
A pedra do raio tamém é conhecida pola pedra do veleno na Laracha. Havíaa em Vista Alegre ( Soandres), na Esquipa (Lendo) e A Pedreira (Monte Agudo)... a maioría eram machadinhos e outras ferramentas neolíticas a que o povo lhes dava propiedades alerxifármacas. Dim que até se vendíam nas feiras, pero o mais normal era atopalas. Um informante contou-me que o seu pai atopou umha que lhe veu pegada no sacho cando estava cavando no monte. Eran herdadas de pais a filhos, pero geralmente eram as mulheres quem as usavan. Cando alguém tinha umha enfermidade na pel tanto produzida por um becho, umha alergia ou eram travados por umha cóbrega (case sempre era umha víbora) acudíam atè onde essas perssoas que tinhan a pedra de quitar o veleno. O ritual consistía em colher a pedra e molha-la em leite e púnhana onde estava a ferida. A pedra disque ficava pregada a ferida até que sacava todo o veleno, que era cando se despegaba da pel. A cura podía demorar días.
Em Monte-Agudo, Arteijo, até nom hai moito tempo aínda havía umha mulher que quitava o veleno coa pedra.
Na Galiza conhecese tambén coma a pedra da pezonha; pedra da cobra ou da serpe; pedra do trono... máis nom só na nossa cultura existe esta pedra. Terras de tan longe coma o Brasil tenhen a pedra do raio. Em povos de cultura atlântica coma Cornualhes também a tinham. Em Inglaterra chamávan-lhe "fairy dart". Em Gales "gaé sídhe". Na Escócia é conhecida co nome de "fairie hammers". Em América latina os yoruras, as pedras do raio chámanlhe odduaras. Os ioguis (faquires) tenhem umha pedra da cobra....
É possivel que a pedra do raio nom tenha essas propriedades mágico-sanadoras que se lhe dam, e que è o ácido do leite o que realmente cure, quem sabe. O que si é seguro e que o ser humano sempre usou amuletos os que se lhe atribuíam virtudes e que os protegían dos perigos que tinham na vida cotiá . Podíam e podem ser de ossos de animais, plantas ou pedras coma esta que tinham a propiedade "mágico-sanadora". Aínda a día de hoje colgan-se dos pescoços medalhas ou outros símbolos (religiosos??) cos que se procura a proteçóm contra calquera mal.
As pedras do raio que tenho nas mans formam parte da nossa cultura popular e da de outros povos. A cultura universal do simbolismo.
Foto: Cortelho da Laracha
