Ambos mandatários som responsáveis pola impossiçom de todas as medidas de cortes sociais em ámbitos como a educaçom ou a saúde, da perda de direitos laborais básicos e da deriva autoritária e repressiva que sofremos na Galiza.

Ambos governam ao serviço das elites económicas e contra os interesses populares, aplicando as receitas da direita neoliberal através da Uniom Europeia dominada pola Alemanha e do governo espanhol, totalmente submisso ao de Merkel. Umhas políticas que o povo galego sofre especialmente pola nossa total falta de capacidade para implementar outras alternativas, ao carecermos de soberania.

Merkel e Rajói som, por tanto, responsáveis pola dor e sofrimento derivados do empobrecimento, a precariedade, a emigraçom, os despejos, os cortes nos serviços básicos ou a repressom policial (a sua única resposta às mobilizaçons sociais). Por todo isto nom som bem-vindos na Galiza. Por todo isto temos que erguer umha alternativa que defenda os interesses populares.

Direçom Nacional de NÓS-Unidade Popular

Galiza, 22 de agosto de 2014