Foto de Galiza Contrainfo (CC by-nc-sa/2.0)
Tal e como adiantaran hai uns días, e logo de solicitar os datos das persoas participantes nas protestas da rotonda de Coia, finalmente, 36 persoas formularán conciliación previa á interposición de querela criminal por un presunto delito de inxurias e outro de calumnias, contra Carmela Silva, por ter manifestado na súa conta de Twitter que as veciñas participantes nas protestas eran “nazis“ e “utilizaban a violencia para impor a súa opinión”.
Na papeleta que se presenta, ínstase a que Carmela Silva recoñeza a autoría dos insultos, retráctese publicamente dos mesmos, e indemnice a cada un dos denunciantes con 2.000 euros (72.000 euros en total) polo dano causado coas descualificacións vertidas en público contra persoas que non fixeron máis que denunciar a miseria das políticas sociais do Concello, por medio da desobediencia e a protesta pacífica.