Tendo em conta que Zapatero nom é galego, o uso desse "insulto" por parte da política populista espanhola evidencia a sua visom globalmente negativizadora do nosso povo e da sua própria existência. Revela o carácter xenófobo de Díez e do seu partido. 

Nom é a primeira vez que Rosa Díez mostra o seu profundo desprezo pola Galiza e todo o que representa. Anteriormente tem falado do nosso idioma como sendo causa do fracasso escolar, por exemplo, ou mesmo a utilizaçom do mesmo vocábulo "gallego" como característica negativa de Núñez Feijó e do próprio Mariano Rajoi.

Significativo, também, o silêncio de Iñaki Gabilondo, que confirma a normalidade com que as elites espanholas desqualificam a condiçom nacional galega e como alguns significados líderes de opiniom se gabam das suas atitudes xenófobas em relaçom à Galiza. Um bom exemplo é a própria Díez, que ocupa as primeiras posiçons na avaliaçom pública dos políticos em diferentes inquéritos de opiniom.

Tendo sido recriminada pola sua atitude racista noutras ocasions, tanto Rosa Díez como o seu partido tenhem-se negado a qualquer rectificaçom, reafirmando-se na mesma linha agressiva quando se lhes apresenta a oportunidade, como aconteceu ontem mesmo.

O partido de Díez foi, com o PP, Falange e Ciudadanos de Cataluña, um dos apoiantes da marcha contra o galego de 8 de Fevereiro de 2009 em Compostela, que acabou com quase vinte galegos e galegas detidas por sair à rua para protestar contra aquela manifestaçom ultra convocada por Galicia Bilingüe.

Pode escuitar-se o momento em que "insulta" Zapatero neste áudio de 20 segundos:

{youtubejw}Ay-kolRTxc8{/youtubejw}

A entrevista de Iñaki Gabilondo a Rosa Díez está nestoutro vídeo. As declaraçons xenófobas encontram-se no minuto 5.

{youtubejw}7_2CrYs0VY4{/youtubejw}