De novo o governo local está a criminalizar a pobreza, em lugar de contribuir a combater as causas da mesma. Evidentemente NÓS-Unidade Popular nom deseja que ninguém tenha que procurar entre o lixo para conseguir sustento, mas a soluçom a esta situaçom nom é tratar como delinqüentes àquelas pessoas que nom tenhem mais remédio que procurar entre o que rejeitam os demais para poder alimentar-se.
O governo local destaca, quando fai públicos estes dados, que neste ano destinou 3,7 milhons de euros para cobrir as necessidades alimentares de pessoas sem recursos: é manifestamente insuficiente, numha cidade onde 13,05% da sua populaçom nom tem recursos para poder alimentar-se.
Medidas para criar emprego é o que necessitamos, nom repressom. Além disso, enquanto nom se criar emprego, haverá que aplicar a austeridade desde acima: acabar com a fame e com qualquer forma de exclussom social deve ser prioritário frente aos salários das/os políticas/os, ou despesas evidentemente mais supérfluas, como festas e festejos ou subsídios a grupos de pressom afins, como casas regionais ou associaçons taurinas, que levam umha importante percentagem de orçamento municipal.