...um foro convocado em Compostela polo Encontro Irmandinho no qual participárom numerosas entidades e pessoas da esquerda galega. Representantes de centros sociais, do movimento ambientalista, feministas, intelectuais e dirigentes políticos.

A jornada desenvolveu-se em sessons de manhá e tarde, com quatro mesas ou 'jeiras' que analisárom a relaçom entre activismo social e político, as novas formas de intervençom para a esquerda, os modelos organizativos, a vigência dos paradigmas 'clássicos' da esquerda, etc.

Ao longo do dia, ouvírom-se muitas críticas ao eleitoralismo dos partidos institucionais, e inclusive o questionamento da forma de organizaçom em partido, se bem aí nom houvo tanto acordo: as propostas fôrom da defesa de umha nova forma de governo baseada nas redes sociais informáticas até a vigência da luita polítca com perspectiva da tomada do poder por parte da classe trabalhadora.

A grande diversidade de opinions e propostas enriqueceu o debate, no qual participou activamente o público, e fijo avaliar positivamente a experiência parte de todas e todos os convidados, assim como pola organizaçom convocante, que lamentou a negativa a participar de correntes internas do BNG como a UPG ou o MGS, apesar de terem sido convidadas.
Somamo-nos, claro, aos parabéns por tam oportuna iniciativa.