Hoje, sexta-feira, 22 de abril, na Fundaçom Artábria haverá contacontos para crianças da mao de Maquinarias Teatro e a sua "Palabra de sombreiro". A entrada é livre e o início está marcado para as 19.00hs. A atuaçom está recomendada a partir dos 4 anos.
Ceia comemorativa da Revoluçom dos Cravos este sábado na Fundaçom Artábria
Já no sábado 23 de abril, chega a já tradicional ceia comemorativa do 25 de Abril organizada mais um ano junto da Associação Cultural O Beco da Língua.
A ementa constará de entradas várias, arroz caldoso, vinho minhoto e sobremesa. Terá um custo de 15 euros, 12 euros para sócias e sócios da Fundaçom Artábria ou do Beco da Língua.
Após a ceia, aproximadamente às 23.30h, e com entrada livre, Eugenia Sanmartim e Sergio Galego trarám músicas do Brasil e outras terras para fechar esta jornada lusófona.
As vagas som limitadas a 50 pessoas.
Mais atividades na Artábria proximamente
A Fundaçom Artábria apresenta um largo leque de atividades para o mês de maio. Entre as imediatas, destaca a apresentaçom do 'Imperialismo, fase superior do capitalismo', livro de Lenine re-editado com prólogo, ilustraçons, índice de nomes e notas de rodapé polo Diário Liberdade no centenário da obra. Dita apresentaçom terá a Carlos Velasco, historiador, e Maurício Castro, autor das ilustraçons e membro do Coletivo Editor do Diário Liberdade.
