Em Ferrol (no dia 29 de abril às 20:00 na Fundaçom Artábria) e na Corunha (no dia 6 de maio às 21:00 no CS Gomes Gaioso), Carlos Velasco, historiador especialista em História Contemporánea e professor da Universidade da Corunha, e Maurício Castro, membro do Coletivo Editor do Diário Liberdade autor das ilustraçons que acompanham esta ediçom do clássico de Lenine, abordarám diferentes questons referentes à obra e às teses leninistas sobre o imperialismo.
Do Coletivo Editor do Diário Liberdade esperám anunciar datas em mais cidades galegas, e também que os eventos programados sirvam para estimular a participaçom de novas e novos ativistas na atividade diária do portal informativo popular.
Durante o ato será possível conseguir a obra, que também está disponível na loja online do Diário Liberdade (click aqui) - e, até 23 de abril, com preço promocional exclusivo e antecipado, e que estará também nas prateleiras das principais livrarias e centros sociais da Galiza a partir dessas datas.
- Evento: apresentaçom em Ferrol do 'Imperialismo, fase superior do capitalismo'
- Evento: apresentaçom na Corunha do 'Imperialismo, fase superior do capitalismo'
O imperialismo fase superior do capitalismo e a ediçom galega ilustrada de 2016
O imperialismo, fase superior do capitalismo foi escrito polo autor na primavera de 1916 e publicada pola primeira vez poucos meses depois, a inícios de 1917. Representa um dos grandes contributos teóricos do marxismo do século XX, cuja vigência permanece inabalável 100 anos depois. Especial releváncia ganha a obra de Lenine para naçons oprimidas como a galega e num contexto de crise global do capitalismo. O Imperialismo, fase superior do capitalismo parece estar a descrever a situaçom atual de crise e de continua a fornecer ensinamentos fundamentais.
A ediçom que agora apresenta o Diário Liberdade conta com um prólogo específico, realizado polo Coletivo Editor do Diário Liberdade, assim como com umha série de ilustraçons realizadas por Maurício Castro. A ediçom inclui notas de rodapé novas e umha lista final explicativa de nomes.
