Foto do vídeo de Bacotexo 'Campos de meíz' (Licença padrom do YouTube)
Bacotexo publica A guerra dos mundos, um trabalho de rock que alarga a criaçom em galego com origem na comarca do Oriente Galego. A música vem acompanhada por umha narraçom homónima que conta o processo de amadurecimento de um rapaz da costa eu-naviega e o confronto interno em que vive quando verifica o conflito entre amor e solidom ou rural e urbano, entre outras. O trabalho reforça o relato, e ao invés, levando ainda a umha exploraçom nos limites do estilo, do mais conceitual e moderno até às raízes do blues. O resultado é, mais do que um conjunto de 12 temas, um percurso através da história que se conta.
O grupo, que através do Facebook informa das novidades, começará as apresentaçons em março.
O novo trabalho da banda eu-naviega segue A máquina del tempo (Boomerang Discos, 2008) e Homes invisibles (Boomerang Discos, 2011). Pablo Canalís, Emilio Gutiérrez, Aníbal Menchaca, Ángel Ruiz e Sergio Rodríguez colaborárom no trabalho. Para completar a obra, as ilustraçons de Toño Velasco.
