O Apalpador chegará à Rua Santa Clara, número 23, diante do local do Centro Social do Pichel, às 18.00, e acompanhado por nenos, nenas, famílias, e animaçom de rua, passeará pola zona velha. Às 19.00 chegará à Praça do Toural, onde terá lugar um encontro com dança tradicional, música popular e regueifas para nenos e nenas.

A ruada do Apalpador está organizada pola Escola de Ensino Galego Semente e as crianças e persoas adultas que participem poderám disfrutar de música de rua, regueifas, actividades de animaçom, e da visita cheia de mágia do famoso personagem do Natal galego, que paseará polas rúas da zona vella de Santiago falando com as crianças e repartindo castanhas.

Confirmarom a sua participaçom na ruada do Apalpador a Associaçom de Pandereteiras do Centro Social Autoxestionado de Sar, a Asociación do Traxe, e as regueifeiras Sara Marchena e Esther Porrit e Alba Maria.

A tradiçom do Apalpador estava ao límite da desapariçom e foi recuperada nos últimos anos por associaçons, centros de ensino e famílias por todo o país. O trabalho de investigaçom e divulgaçom da Associaçom Gentalha do Pichel, umha iniciativa fruto do ativismo cultural de base e autogestionada, chegou a converter o Apalpador numha figura popular em poucos anos.

O Apalpador é un gigante carboeiro que descendia das devesas do Courel no Natal e apalpava as barrigas aos nenos e nenas quando dormiam para comprobar se estavam bem mantidos, desejando-lhes um ano sem fame, como celebraçom do solstício de inverno. Como regalo deixava-lhes umha presada de castanhas.

Compostela vivirá a mágica visita dum dos personages mais populares da cultura galega, cada vez mais conhecido e querido polos nenas e nenos e as famílias.