Sabotagem em Lugo
Um comunicante anónimo deu a conhecer no indymedia a terceira açom direta emarcada nesta campanha, após as duas da semana passada em que se sabotárom os caminhos-de-ferro entre Corunha e Vigo e entre Vigo e Ourense. Neste caso trata-se do apedreamento da ETT "Randstad" de Lugo, umha empresa que, segundo denunciam, colabora com Instituiçons Penitenciárias "lucrando-se assim com o grande negócio da 'reinserçom'". A sabotagem tivo lugar na madrugada do 30 de janeiro, na que se teriam escachado todas as vidreiras do local da empresa. A açom nom foi recolhida polos meios de comunicaçom empresariais.
Jantar solidário na Corunha
O Centro Social Okupado de Palavea anunciou também a celebraçom, apartir desta quarta-feira, de comedores veganos semanais, cujos ganhos irám destinados aos presos. Sob a palavra-de-ordem "Arriba os garfos! Abaixo os muros", os convivas tentarám dar apoio económico e moral aos presos em luita. Na primeira das refeiçons decidirá-se a maneira de fazer chegar o dinheiro ao interior das prisons.