1 1 1 1 1 1 1 1 1 1 (0 Votos)

53b42c6274-antitaurinasGaliza - Diário Liberdade - Representantes do coletivo Touradas Fora de Ponte Vedra (TFPV) entregárom ontem as suas demandas à Cámara Municipal pontevedresa, dando assim início a umha nova campanha contra as touradas que , mais um ano, desembocará numha manifestaçom no mês de agosto.


 

Entre as reivindicaçons que fai o coletivo antitouradas estám a de que Ponte Vedra se declare “Cidade Antitouradas e Amiga dos Animais”, somando-se assim aos concelhos galegos que o figérom nos últimos anos. Mas também reclamam a proibiçom da propaganda das touradas em espaços públicos, o compromisso de nom promocionar nengumha atividade relacionada com as touradas, e a futura conversom do coso de Sam Roque num “coliseu” de uso social e cultural (atualmente é propriedade dos irmaos Lozano, empresários espanhóis do negócio das touradas).

Assinalam ademais que apesar de que TFPV leva anos solicitando umha maior implicaçom do governo local contra as touradas nom recebérom ainda umha resposta às suas demandas por parte deste, apesar de certos avanços produzidos nos últimos anos como a eliminaçom dos subsídios públicos ou a retirada das touradas do programa das festas da cidade. Algo que, destacam, contrasta com o apoio ativo a nível nacional ao movimento contra as touradas por parte da organizaçom política que encabeça o governo municipal desde 1999, o BNG.

Com esta atividade TFPV deu começo à sua campanha de mobilizaçom anual, na única cidade da Galiza que possui umha praça de touros permanente onde todos os anos se organizam touradas. Umhas touradas que som símbolo dos setores sociais e políticos mais reaccionários de Ponte Vedra (é habitual a presença nelas de dirigentes do PP como o presidente espanhol Mariano Rajói) mas que nos últimos anos estám a ser contestadas polas campanhas e mobilizaçons do movimento antitouradas local e nacional.

 

Foto: Pontevedra Viva

 


Diário Liberdade é um projeto sem fins lucrativos, mas cuja atividade gera uns gastos fixos importantes em hosting, domínios, manutençom e programaçom. Com a tua ajuda, poderemos manter o projeto livre e fazê-lo crescer em conteúdos e funcionalidades.

Microdoaçom de 3 euro:

Doaçom de valor livre:

Última hora

Publicidade
Publicidade
first
  
last
 
 
start
stop

Quem somos | Info legal | Publicidade | Copyleft © 2010 Diário Liberdade.

Contacto: info [arroba] diarioliberdade.org | Telf: (+34) 717714759

Desenhado por Eledian Technology

Aviso

Bem-vind@ ao Diário Liberdade!

Para poder votar os comentários, é necessário ter registro próprio no Diário Liberdade ou logar-se.

Clique em uma das opções abaixo.