O Comité de Empresa da TVG condena que o canal público mostrasse, através de umha exclusiva que foi emitida na quarta 4 de junho no programa Galiza 112, umhas fotos da nena assassinada em Teio que se filtraron do sumário judicial. A representaçom dos trabalhadores e trabalhadoras considera que estas fotografias estám protegidas polo direito ao honor e à intimidade da menor e que a sua emissom, ademais de contravir todos os códigos deontológicos, poderia vulnerar gravemente também a Lei do Menor.
O Comité de Empresa lamenta que fora precisamente a canle pública galega a primeira responsável pola emisom, via exclusiva, dunhas fotografias que rapidamente fôrom reproduzidas noutros meios do resto do estado, o que situa a TVG na origem de umha grave irresponsabilidade intolerável num meio de comunicaçom público.
O Comité condena também o tratamento informativo que posteriormente lle deron a esa exclusiva os informativos Bos Días, Galiza Noticias, Telejornal Meio-dia e Telejornal Serám que, ao optaren por reproduzir de novo as imaxes en questón, antepuxeron o criterio das audiencias ao da responsabilidade e o cumprimento da lexislación, o mesmo que lamentavelmente figérom a web e o facebook da Companhia.
A representaçom dos trabalhadores e trabalhadoras da TVG lembra que Galiza 112 é um programa de produçom externa elaborado pola produtora Pórtico, e denuncia a incompetência e a falta de profissionalidade e critério dos responsáveis pola programaçom e do controlo de conteúdos do canal público por nom terem paralisado a tempo a emisom dessas imagens.
Sam Marcos, 9 de junho de 2014