As actividades enmarcadas nesta xornada desenvolveranse o sábado 24 de maio, no Centro de Interpretación Ambiental de Compostela (CIAC), onde tanto as persoas participantes da formación como aquelas outras interesadas na temática, poderán participar das palestras e debates programados para o sábado.
Pola mañá as actividades serán abertas a todo o público. Iniciarase cun obradoiro sobre a Cultura de transición nos medios de comunicación; e remataremos cun debate en torno à Comunicación Social. Unha mesa na que contaremos, entre outros convidados, con Galiza Contrainfo e Irmandade TV. As actividades desta xornada estarán dinamizadas e coordenadas por Galiza Ano Cero.
A importancia dos medios de comunicación e o xeito de interpretar a realidade con independencia, onde as organizacións sociais temos moito que dicir, será o eixo central desta xornada. A comunicación social é imprescindible nos tempos que estamos a vivir. Coñecer a reflexionar cos medios galegos que están creando outro xeito de comunicar é importante de cara a construír outro xeito de informar e transformar.
Programación:
Resistencias IV: Comunicación Social e medios alternativos. Sábado 24 de Mayo. CIAC - Compostela
10.30 – 12.30 A Cultura de transición nos medios de comunicación. Galiza Ano Cero.
13.00 – 14.30 Debate sobre a Comunicación Social. Amarante Setem
17.00-20.00 Formación interna para as persoas inscritas no Xanela: preparando as viaxes.
Con esta V Xornada remata a formación no Xanela e as persoas que completaron a formación preparan xa as súas estadías coa organización do Movemento dos Sem Terra do Brasil e a Asociacion de Mulleres do Téxtil Attawassoul de Marrocos, que se realizarán nos meses de xullo e agosto.