Porém, e apesar de que Cambados.tk tivo que se desvincular da convocatória, o certo é que se produziu umha concentraçom espontánea no lugar inicialmente marcado para o protesto, no sábado passado.
De Cambados.tk atribuem à pressom popular e a mobilizaçom o fato de que a Cámara Municipal tivesse que desvincular-se economicamente da participaçom na construçom da estátua a Manuel Fraga, Ministro do ditador Francisco Franco e político em ativo até poucos meses antes da sua morte, protegido polo sistema herdeiro do franquismo.
Cambados.tk o explica assim no seu site:
"Só cabe uma valoraçom positiva dos acontecimentos vividos na última semana. O intuito da convocaçom de concentraçom para o passado sábado propujo-se com o fim prioritário de fazer chegar à cidadania a intuito do governo local de colocar uma estátua dedicada a Manuel Fraga no Paço Torrado, ademais de explicar três motivos básicos para opor-se a ela.
Depois dos intensos últimos dias esse objectivo fundamental foi cumprido. É mais, a concentraçom espontánea foi um sucesso tendo em conta as condiçons. Por um lado, o dia de temporal que se viveu durante todo o sábado e pelo outro a confusom gerada com a desconvocatoria formal 48 horas antes do protesto. CTK teivo que dar o passo de desvincularse da concentraçom para nom expor-se a umha sançom económica por parte do Governo e muita gente interpretou ao ler a imprensa que a convocaçom nom teria lugar finalmente. Ademais, o reparto de informaçom tivo que ser cancelado om nom existir convocaçom formal.
Por suposto, o anúncio da quinta-feira do Governo de Aragunde conforme a Cámara municipal nom poria um euro para a estátua foi também fruto dos protestos tanto online como na rua. A semana anterior os adegueiros nom conheciam (perguntados por FARO) que eram eles os impulsores da ideia e que a financiariam entre os apoiantes. Ficou patente que o anúncio de Aragunde foi mais umha saída para acalar as críticas, uma improvisaçom, do que um plano pensado de antemom. É preciso seguir vigilantes posto que Aragunde nom fechou ainda as portas a umha eventual aportaçom de dinheiro por parte de outras instituiçons (que afinal pagaríamos todos).
Também compre, ademais de parabenizar toda a gente que participou bem na rede, bem na rua, para que a pressom fosse uma realidade; os colegas da imprensa comarcal que finalmente e sobretudo a partir da suspensom por parte da Subdelegaçom do protesto cobriram o tema amplamente.
CONCENTRAÇOM DE AMIGOS
Cerca de duzentas pessoas acudírom espontaneamente (ficárom na calçada com amigos) às 20.30 horas do sábado e corearonse consignas em contra da estátua. As conversas giravam entorno ao escepticismo sobre a suposta financiaçom da escultura por parte do mundo do vinho, o desafortunado da escolha do ex ministro franquista e ex presidente; e despregaram-se duas pancartas ademais do reparto de cartazes e autocolantes. A Guarda Civil acudiu om acto mas permaneceu num lugar afastado, ainda que um par de agentes tomárom fotografias das pessoas na praça.
Desde Cambados(tk) está-se avaliando a possibilidade de organizar um grande protesto para dentro de 2-3 semanas, que conte com as permissons pertinentes e que seja preparada ajeitadamente para dar uma resposta contundente om Governo de Aragunde. Nos próximos dias a nossa consigna vai ser clara: A estátua se o "mundo de vinho" ou "o mundo do PP" a querem só tenhem que cumprir duas condiçons. Primeira: deve ser paga com o seu dinheiro, exclusivamente. Segunda, deve ser colocada fora de terrenos públicos da Cámara Municipal de Cambados. Se é certo que alguns adegueiros estám pela homenagem, entom estarám de acordo em colocá-la em terrenos da sua respectiva adega."
Foto: Cambados.tk - Cartaz da convocatória proibida
