"Integraçom em bando armado", "estragos terroristas" e "depósito de explosivos" terám sido as acusaçons apresentadas como justificativa para a prisom incondicional a que o militante indiependentista galego será submetido de maneira indefinida até a eventual realizaçom do correspondente julgamento.

Antes da decisom judicial de se impor prisom preventiva, Raul Agulheiro estivo sob custódia incomunicada da Guarda Civil, o corpo militar espanhol que o detivo na passada sexta-feira em Compostela. A seguir, o detido foi conduzido para apresentar depoimento diante do juiz Fernando Andreu, o que foi rejeitado polo detido.

Raul Agulheiro deverá estar já entre os muros da prisom espanhola de Soto del Real, a centenas de quilómetros do seu lugar de residência habitual, numha estrita aplicaçom das desumanas normas de encarceramento para assuntos de natureza política.

De Ceivar proponhem o envio de mostras de solidariedade em forma de cartons postais, cartas e imagens dirigidas a:

Raul Agulheiro Cartoy

Centro Penitenciario Madrid V (Soto del Real)

Carretera M-609, Km 3,5,

28791 Soto Del Real, Madrid

Concentraçom solidária hoje em Compostela

Para hoje, dia 7, foi convocada em Compostela umha concentraçom solidária com o jovem já preso. Será na praça do Pam, às 20h30, segundo informou a organizaçom solidária Ceivar.