[21:30] Perto de 150 pessoas participárom na manifestaçom solidária que acabou diante da esquadra da polícia espanhola em Compostela, protegida por um cordom policial. Lá, denunciou-se a falta de informaçom sobre a situaçom das e dos jovens detidos.
[21:00] Dúzias de manifestantes saírom do Toural em direçom à esquadra policial compostelana, para reclamar a liberdade das seis pessoas detidas, supostamente em relaçom com a jornada de luita dos trabalhadores do cerco.
Diferentes organizaçons da esquerda nacional, como AGIR, BRIGA, XEIRA, CEL, NÓS-UP, ISCA!, Primeira Linha, LEG, Ceivar, Causa Galiza ou CUT já manifestárom por diversas vias a sua solidariedade, nomeadamente através das redes sociais.
[20:45] Nestes momentos, decorre umha concentraçom solidária em Compostela
Dúzias de pessoas concentram-se abaixo da chuva na praça do Toural em solidariedade com as seis jovens detidas hoje na capital da Galiza pola forçar repressiva espanhola, reclamando a liberdade das e dos detidos.
[20:10] A Rádio Galega, citando fontes policiais, vincula as detençons com os protestos do setor do cerco em Compostela no passado 11 de março.
[20:00] Confirma-se que um dos jovens detidos nesta tarde em Compostela pola polícia espanhola tivo que ser transladado ao Hospital Clínico para serem atendido de umha lesom na mao provocada pola polícia durante a detençom.
[19:15] As e os jovens detid@s seriam 6. Quatro som militantes da organizaçom juvenil Xeira, umha é militante da organizaçom estudantil AGIR e mais umha detida é militante do Coletivo Estudantil Libertário (CEL).
Diário Liberdade acabou de conhecer a detençom em Compostela de vári@s jovens, 6 em total, militantes das organizaçons AGIR, Xeira e CEL.
Até o momento, desconhecem-se as acusaçons realizadas contra as pessoas detidas. Da organizaçom estudantil AGIR informam-nos de que até amanhá ou depois de amanhá, nom serám postas a disposiçom judicial.
Já está convocada, em regime de autoconvocatória, umha concentraçom solidária na praça do Toural, que começará às 20:30h nesta segunda-feira.
Continuaremos a informar.
Fotos de @GzBRIGA e @AgirGaliza
