Desta maneira, o Executivo grego dará luz verde à venda de empresas do Estado como a Autoridade Portuária do Pireu, infraestruturas públicas (portos, aeroportos, portos desportivos), e ativos imobiliários.

Além disso, também se estuda a privatizaçom dos recursos naturais (exploraçons mineiras e hidrocarbonetos).

Profundo mal-estar popular

Estas medidas gerárom um profundo mal-estar e frustraçom entre a classe trabalhadora grega, que viu como Tsipras chegou ao poder assegurando que iria abandonar as receitas neoliberais dos governos anteriores.

Desde que se anunciou o acordo entre Atenas e a Troika, que implica a imposiçom de umha nova vaga de duros cortes sociais e privatizaçons, os trabalhadores, trabalhadoras e as classes populares do país voltárom a participar nos protestos nas ruas em rejeiçom à viragem antioperária do Governo.

Este novo ciclo de mobilizações está a ter liderança, em boa medida, do sindicato PAME e do KKE, que advertírom há muito das falsas promessas de mudança da coligaçom encabeçada por Tsipras. O Partido Comunista defende abertamente a saída da União Europeia e do Euro, como condiçom indispensável para recuperar a soberania.