Mobilizaçom conjunta convocada pola Marcha Mundial das Mulheres e a Plataforma Galega polos Direitos Sexuais e Reprodutivos
Vigo: manifestaçom às 20:00h desde a Farola de Urzaiz até o edifício da Junta
Concentraçons convocadas pola Plataforma Galega polos Direitos Sexuais e Reprodutivos
Compostela: concentraçom às 20:00 horas no Toural
Val Minhor: concentraçom às 20:00 horas na Ponte da Ramalhosa.
Corunha: concentraçom às 20:00 horas no Obelisco.
Lugo: concentraçom às 20 horas diante da Cámara Municipal, na Praça Maior
Ourense: concentración ás 20 horas junto à Cátedra
Ponte Vedra: concentraçom às 20 horas praça Peregrina
Ainda, nas concentraçons que neste momento estám a decorrer na Corunha, Vigo, Ourense, Compostela, Lugo e Ferrol, convocadas pola CIG contra os cortes nos Orçamentos do Estado serám lidos comunicados específicos com ocasiom da data. Precisamente aa Secretaría da Mulher dessa central sindical, informam que participarám em todos os atos organizados por volta deste Dia de Açom.
Originalmente, o dia 28 de setembro tem sido comemorado como o Dia de Açom para a Despenalizaçom do Aborto na América Latina e no Caribe. Entretanto, desde 2011 a Rede Mundial de Mulheres pelos Direitos Reprodutivos (RMMDR) e agora também a Campanha Internacional pelo Aborto Seguro estám tornando o 28 de setembro um dia de açom a nível global.
Açons de ocupaçom virtual
Segundo informavam as Mulheres Nacionalistas Galegas faz poucas semanas, a Rede Mundial de Mulheres pelos Direitos Reprodutivos e mais algumhas organizaçons do movimento de mulheres compartilharám umha ferramenta de ocupaçom virtual baseada em Realidade Aumentada. Esta ferramenta – desenvolvida pola organizaçom Women on Waves -, pode ser usada em telemóveis e através dela podem se “ocupar” virtualmente edifícios e monumentos simbólicos em diversos paises, estampando nestes espaços a mensagem da campanha de 28 de setembro e as instruções sobre o uso de Misoprostol.
Nas últimas semanas chamou-se à preparaçom para poder participar da iniciativa de hoje, com a intençom de os monumentos pudessem ser virtualmente ocupados, isso é: que as pessoas que por lá passem visualizem a "ocupaçom" no seu telemóvel e podam fotografar. Se muitas fotografarem os mesmos edifícios, poderám tornar esta mensagem viral – num movimento virtual de ocupaçom.
Foto: MNG