As feministas galegas reclamárom a liberdade para Maria Alekhina, Ekaterina Samutsevich e Nadezhda Tolokonnikova, as três integrantes da banda feminista russa de punk, convertidas em presas políticas do governo Putin.
Passado o meio-dia de hoje, um grupo de feministas galegas, vestidas como as "Pussy Riot", acedêrom às instalaçons católicas da catedral compostelana e despregárom umha grande faixa nas varandas da fachada principal, na qual se lia "Pussy Riot liberdade".
Outras palavras de ordem fôrom coreadas polas participantes na açom, como "Presas à rua, a luita continua", "As presas agora, queremos vê-las fora", "Nom passarám, aborto livre", "Nom passarám, o PP e Gallardón" e "Fora os rosários dos nossos ovários". Finalmente, por volta das 12:30, pessoal de segurança expulsou o coletivo das instalaçons católicas.
Açons semelhantes em solidariedade com as feministas da Rússia estám a acontecer um pouco por todo o mundo. A Rede Feminista Galega aderiu hoje a essa onda solidária na capital da Galiza.
As três músicas russas aludidas no ato solidário de Compostela fôrom condenadas há poucos dias por "alteraçom da ordem pública por motivos de ódio religioso", ao entoarem umha cançom de protesto contra Vladimir Putin no interior da principal catedral da igreja ortodoxa russa.
Fotos: Açom de hoje na capital galega (@luciamontseny)
